أبرز تطبيقات توصيل وجبات المطاعم في العراق

انتشرت منذ فترة تطبيقات توصيل الطعام ببغداد وحاليا تتنافس ثلاث شركات على اكبر كمية من الطلبات، وابرز هذه التطبيقات هي:

- تطبيق طلباتي
اقدم واول تطبيق نزل بالسوق العراقي، منتشر بعدة محافظات والمطاعم الكبار مرتبطة بي.

العيوب:
التطبيق شكلة قديم ما اتحدث ولا تطور، وتأخير بالطلبات خصوصا وقت الذروة اثناء الغداء والعشاء. ولا يوفر خدمة زبائن بتصلون بالزبون وياخذون رأيه بالخدمة.

سعر التوصيل: بين ال 3000 دينار وال 5000 دينار

- تطبيق عالسريع
تطبيق نزل قبل سنة تقريبا، التطبيق حلو وسهل
المطاعم مالته مختار بس القوية والاكثر مبيعا، والتوصيل سهل وسريع

العيوب:
التطبيق يتوقف احيانا عن العمل بسبب مشاكل تقنية

المميزات:
التوصيل سريع وينطيك سلسلة تحهيز وتحضير الطلب لما يوصلك السايق، الحلو يتصلون بيك خدمة الزبائن وياخذون رايك عن الطلب وشنو المشاكل اذا صادفتك، يحتاجون يزيدون العدد ويضيفون مطاعم شعبية ايضا

سعر التوصيل: 3000 دينار

- تطبيق توترز
اخر واجدد تطبيق نزل بالسوق العراقي قبل عدة اشهر وتابع لشركة زين العراق

التطبيق بعده لحد الان ما مغطي كل بغداد لكن مركزين فقط على مناطق معينة مثل منصور جادرية
التطبيق حلو بس صعب، مسويه بالانكليزي وهواية ناس متعرف انكليزي
يفترض يتحول بالكامل عربي حتى يسهل على المستخدم العادي

العيوب:
ماكو خدمة زبائن ولا شكاوي ومشكلة ثانية انو هو يقتصر على بعض المطاعم
وبعض المطاعم بدت تغير لغير تطبيقات من ورة هذا الشي
اضافة الى مشكلة اخرى انو مطاعمه قليلة
المفروض يزيد العدد ويبحث عن الافضل
يعني كمية خيارات قليلة

سعر التوصيل: 1250 دينار


شركة كريم وشركة اوبر تنافست ايضا بموضوع توصيل وجبات المطاعم، لكن بدول اخرى غير العراق، واحتمال كبير ان تدخل خدمة كريم ناو Careem Now للتوصيل في العراق قريبا، اوبر ايتس Uber eats ربما ايضا يدخل على الخط لأن اوبر استولت على كريم.

ما رأيك أنت؟ هل جربت طلب الطعام عبر احدى هذه التطبيقات؟